Kashmir-ah curfew puang leh

India aṭanga inlakhran duhtuten kawng zawh huaihawt an tum avangin nimin khan south Kashmir-a district pali leh Srinagar khawpuiah curfew puan leh a ni a, hmun
ṭhenkhatah punkhawm khapna dan hman a ni bawk.

Inlakhran duhtu pawlte chuan nimin khan tunhnaia Kashmir Valley-a tharum thawhna thlenga civil mi thi te sunna leh hriatrengna atan Srinagar-a Jamia Masjid pana kawngzawh turin mipuite an ngen a ni.

July 8-a security force-ten Hizbul Mujahideen commander Burhan Wai an kahhlum avanga tualchhung buaina chhuakah hian mi 47 an thi tawh a, an zinga a tam zawk hi civil mi niin, mi 5,500 velin hliam an tuar bawk. Buaina chhuak vang hian Kashmir Valley huam chhunga district hrang hrangah July 9 aṭang khan curfew puan a ni a, mahse buaina hian ziaawm lam a pan avangin district tam zawkah chuan curfew hi hlih a lo ni tawh a ni.