Maha Chief Minister-in Israel a tlawh

Maharashtra Chief Minister Devendra Fadnavis chu ni thum cham turin Pathianni zan khan Israel a thleng a, field hrang hrangah thawhdun dan tur kawng a zawng dawn a, heng zingah hian agriculture leh crisis management lama thawhdunna tur bakah, an state-a investment ti tura sawm luh dan tur kawng a zawn ang.

Devendra Fadnavis hian chief minister a nih anga Israel a tlawhna hmasa ber a ni a, a cham chhung hian India leh Israel thawkdunin, 'Make in Maharshtra' symposium an buatsaiah thu a sawi ang.

Fadnavis hi 19th International Agricultural Technology Exhibition, Agritech Israel 2015-ah a tel dawn a, he exhibition hi khawvela agricultural technology lama exhibition pawimawh ber zinga mi a ni. Exhibition hi April 28-30 chhunga neih tur a ni.

Maha CM hian Israel Agriculture Minister Yair Shamir leh ministry hrang hranga senior official-te a kawm dawn a, Tel Aviv Municipality nena thawhdun theih dan kawng pawh a dap nghal ang. IT company leh firm hrang hranga hotute meeting neihpuiin, research institute-te a tlawh bawk ang.