Commercial LPG cylinder man Rs 48.50 in ti pung

Oil marketing company-te chuan nimin, October 1, 2024 aṭang khan commercial LPG gas cylinder, kg 19-a rit chu Rs 48.50 in an ti pung.

A man tih pun a nih tak vangin commercial LPG gas cylinder man hi Delhi-ah Rs 1,740 a ni. Hei bakah kg 5a rit, Free Trade LPG cylinder man pawh Rs 12-a tih san a ni bawk. Cylinder man tih san hian restaurant, hotel leh hnathawhna atana heng cylinder hmana sumdawnna te a nghawng dawn a ni. Oil marketing company-te hian September 1 khan 19 kg commercial LPG gas cylinder man hi Rs 39 in a lo ti sang tawh bawk.

Hetih lai hian chhungkua eirawngbawlna atana an hman, domestic LPG cylinder man erawh tih danglam a ni lo thung.