PM Modi leh Jamaica PM inkawm

Prime minister Narendra Modi leh India tlawha rawn zin, Jamaica prime minister Andrew Holness te chuan nimin khan New Delhi-ah meeting an nei.

Ram hruaitu pahnihten meeting an neih zawh hian delegation-level talk neih chhunzawm a ni.

Jamaica PM Holness hi September 30 khan India rawn thlengin, October 3 thleng a cham dawn a ni. Tun ṭum PM a nih hnuah India a rawn tlawhna hmasa ber a ni. Nimina Modi nena meeting an neih hma hian Rajghat-a Mahatma Gandhi thlanah pangpar a dah a ni. A cham chhung hian presidnet Droupadi Murmu leh vice president Jagdeep Dhankar pawh meeting a neihpui bawk ang.

Holness cham chhung hian India leh Jamaica chuan thawh dunna tur inremna thuthlung eng emaw zat an ziah beisei a ni.