Swachh Bharat Abhiyan kum 10 tlinna lawm

Swachh Bharat Mission kum 10 tlin lawmna, Swachh Bharat Diwas 2024 chu nimin khan New Delhi-a Vigyan Bhwan-ah neih a ni.

Swachh Bharat Diwas-ah hian India in faina kawnga kum 10 chhunga hlawhtlinna a neihte tarlangin, Swachhata Hi Seva campaign hlawhtlinna lawmna neih a ni. Kumin Swachh Bharat hmanna atana thupuiah hian,'Swabhav Swachhata, Sankaar Swachhata' tih chu hman niin a, a sawi tum ber chu kan chhehvel hriselna turin faina hi a pawimawh hle a ni ti a ni.

Swachh Bharat Mission  hlawhtlinna hrang hrang tarlante :

1. World Health Organisation (WHO) chuan kawṭhalo kaihhnawiha thihna chu kum 2014 aiin 2019 ah 300,000 chuangin a tlahniam tih a sawi. Hei hi inthiarna tam tak siam a nih vang a ni. Malaria a tlahniam a, naupang kum nga hnuailam thihna pawh a tlahniam bawk.

2. Inthiarna hmun chu thingtlanga cheng chhungkaw maktaduai 10 chuang tan sak niin, mipui maktaduai 50 leh khaw 630,000 ah siam a ni. Heng zinga thingtlang khaw tam tak chu pawn lama inthiar awm tawh lohna, Open defecation Free(ODF) a puan an ni.

3. UNICEF chuan chenna ina inthiarna neih vang hian hmeichhia 93% chu an dinhmun a him nia an ngaih thu a tarlang.

4. Thingtlang khua, ODF a puante chuan dam lohna vanga insenna ṭhin aṭangin Rs 50,000 chu an hum thei a ni.

5. ODF khuaa puanteah mihring thli vanga leihnuai tui bawlhhlawh ṭhin chu a let 12.7 in a tlem phah.

6. India ram pum a khawpuiah khawpui fai, "Swachh cities" thlan niin, hei hian khawpui vawnfai kawngah hmasawnna nasa tak a thlen.

PM Modi pawhin Swachh Bharat Mission hlawhtling taka kalpui a nih vang hian Bill & Melinda Gates Foundation aṭangin 2019 khan Global Goalkeeper Award a lo dawng tawh a ni.