Antony Blinken leh S Jaishankar te inkawm

United States secretary of state Antony Blinken leh external affairs minister S Jaishankar te chu Thawhlehni khan Washington DC-ah inkawmin, ram pahnihte thawhdunna tur leh khawvel huapa harsatna thlengte hmachhawn dan tur an sawi dun.

Prime minister Narendra Modi kaihhruai sorkar term thumnain thuneihna a chelh hnuah, S Jaishankhar hi US-a a zin lehna hmasa ber a ni.

Meeting an neih zawh hian Antony Blinken chuan, "US leh India chuan kan ram leh khawvel huapa harsatna awmte chingfel turin an thawkdun zel a ni. External Affairs Minister DR S Jaishankar nen chuan sik leh sa danglamin harsatna a thlen leh ram pahnihte himna chungchangte kan sawi dun a ni, " tiin August thlaa PM Modi-a'n Ukraine a tlawh chu sawi chhuakin, Ukraine-a boruak ralmuang a awm a pawimawh zia a sawin nawn bawk.

Blinken chuan ram pahnih hruaitu, PM Modi leh President Joe Biden-ten inkar boruak ṭha tak awm chu fakin, ram pahnihte inzawmna hlu tak leh thawhdunna ṭhat chho zel zia tilangtu a ni, a ti.