Mahatma Gandhi leh Lal Bahadur Shastri te zahna hlan

Prime minister Narendra Modi chuan nimin, Nilaini khan India Hnampa, Mahatma Gandhi chu a pianchampha pualin zahna a hlan.

Prime Minister chuan X-ah MK Gandhi hian a dam lai khan a nunah ram mipui te entawn tur thil thudik ṭanna, inlungrualna leh intluk tlanna chu a lan tir ṭhin tiin a sawi. Mahatma Gandhi hi India Hnampa tia koh niin, a kalphung nghet tak dikna leh tharum tel lo tih chu khawvela politician leh activist tam tak te ngaihsan leh entawn a ni.

PM chuan India ram zalenna sualtu zinga mi pawimawh tak Lal Bahadur Shastri pawh nimin vek khan a piancham chibai a buk bawk. India ram sipai leh loneitute tan Lal Bahadur Shastri hian a nun a hmang a ni tiin, "Jai Jawan, Jai Kisan" tih auhla pawh ama bul ṭan a nih bakah mi dik leh mi hriatthiamna ngah mi a nihna hmang chuan mi tam tak zahkai a nih thu te a tarlang bawk.