India-ah sakhaw tlem zawkte lakah hleilenna a hluar - USCIRF

US Commission for International religious Freedom(USCIRF) chuan India rama sakhaw zalenna dinhmun chu aṭha lo hle tih sawiin, ngaihven ngai 'Country of Particular Concern' a dah tura a duh thu a sawi.

USCIRF in annual report a tih chhuahah, India chu" ram chhunga thlei bik an neihna" chuan sakhaw zalenna chu ti chhiain tharum thawhna nasa tak a thlen tih an tarlang a, US Department of State chuan "Country of Particular Concern" ah dah se a duh thu a tarlang tel a ni. Mahse state department hian he rawtna hi a la pawmsak lo a ni.

Report hian kumin, kum 2024 chhunga sakhaw pawl kalfawrten mimal an thah leh sawisak dante tarlangin, sakhaw hruaitu man an nih dan te, sakhaw biakna hmun suasam a nih dante a tarlang.