'Invest India'-in UN Investment Promotion Award dawng

United Nations Conference on Trade and Development (UNCTAD)-in a sem ṭhin 2020 United Nations Investment Promotion Award chu Thawhṭanni khan sem niin 'Invest India' chuan he award hi a dawng.

Ministry of Commerce and Industry chuan hemi chungchang hi tarlangin  UNCTAD headquarters, Geneva-ah award semna hun hi an hmang a ni.

Prime minister Narendra Modi pawhin nimin khan Invest India a lawmpuina thu hi twitter kaltlangin a sawi tawh bawk.

Khawvel ram hrang hrang aṭanga agency 180 awm zingah Invest India hian he chawimawina hi a dawng a ni. UNCTAD chuan hripui leng kara Investment Promotion Ageny thawk ṭha zualte a enfiahnaah Invest India hi ṭha berah thlangin Social media engagement,  Exclusive Investment Forum Webinar Series,  Business Immunity Platform leh Focus on COVID response team-te chu an thawh ṭhat zualna a tarlan zingah a tel.

Invest India hi National Investment promotion leh facilitation agency niin non-profit venture a ni a, kum 2009 khan  Promotion of Industry and Internal Trade Department, Minister of Commerce and Industry hnuaiah din a ni.