China aṭanga bungrua lakluh 13% in tlahniam
Kumin thla 11 chhunga China-in India rama bungrua a thawn luh chu nikum hemi hun chhung aiin 13% in a tlahniam.
Nimina Chinese customs in data a tihchhuahah, kumin chhunga ram pahnihte insumdawn tawnna hi USD tluklehdingawn 78 a ni. Mahse nikum chhunga an insumdawnna kha USD tld 92.68 erawh a pha lo hle thung.
China hian January-November thla chhung khan India ramah bungrua,USD tld 59 hu a thawn lut a, India ram aṭanga a lakluh erawh chu USD 19 niin, nikum aiin 16% in a sang zawk thung.
East Ladakh-a ramria India leh China sipaite inkara buaina a awm hnu khan, India chuan China ram aṭanga bungrua lakluh ṭhenkhat a titawp bakah, Chinese siam mobile application 200 chuang a khap tawh bawk. Ram pahnihte hian ramri buaina chungchang chinfel tum hian ṭum eng emaw zat inbe tawh mah se, inremna mumal tak erawh an la siam thei lo.