Arvind Kejriwal-a'n CM chenna chhuahsan

Delhi chief minister hlui leh Aam Aadmi Party national convener, Arvind Kejriwal chu nimin, Zirtawpni khan 6 Flagstaff Road-a a chenna ṭhin aṭangin a chenna thar tur Lutyen Zone-a Mandi House bul, Bungalow No.5 Feroz Shah Road ah an insawn ta.

An chenna thar tur Bungalow hi Ravi Shankar Shukla lane (Canning Lane)-a AAP headquarters bulhnaia awm a ni. He bungalow hi Punjab-a Rajya Sabha MP, Ashok Mitall tana dah a ni. Kejriwal hian CM chenna hmun a chhuahsan a ngaih dawn avangin a bungalow hi a tan a lo kian a ni.

AAP chuan sorkar laipui hnenah Kejriwal hi national party hotu a nih avangin official residence hi buatsaih sak turin an lo ngen tawh bawk. Delhi sorkar hnuaia excise policy kaihhnawihah Kejriwal hi thubuai siamsak niin man a ni a, hun eng emaw chen Tihar Jail-a a tan hnuin September 13 khan bail a dilna chu Supreme Court chuan a phalsak a ni. Thla hmasa khan Chief Minister a nihna aṭanga bangin, Assembly inthlanah mipuite amah ring a, an aiawh tura an thlan tlin leh hnuah chauh CM dinhmun hi a chelh leh dawn tih a sawi.