Naxal hel hluarna state CM-te review meeting neih pui tum

Union home minsiter Amit Shah kaihhruaiin, Home Ministry chuan vawiin hian Viygan Bhawan, New Delhi-ah hian Left-Wing Extremism (LWE), Naxal hel hluarna state chief minister-te chu review meeting a neihpui dawn.

Vawiina meeting-ah hian Andhra Pradesh, Bihar, Chhattisgarh, Jharkhand, Telangana, Odisha, Maharashtra leh Madhya Pradesh Chief Minister te n tel dawn a ni. Deputy National Security Advisor bakah Centre, States leh Central Armed Police Forces (CAPFs)-a senior officer-te an tel bawk ang.

Sorkar laipui chuan kum 2026, March-a LWE helna vanga harsatna awmte chu a zung chawpa nuaibo vek a tum thu a a sawi. LWE hel hluarna state sorkar te pawh a theih ang angin a pui zel bawk a ni.

Amit Shah hian LWE in a nghawng state CM-te hi kum 2023, October 6 khan review meeting a lo neihpui tawh a, hemi tum hian hel nuai bo theihna tura kawng hrang hrang a kawhhmuh a ni.

Thuchhuah an siamah, LWE pawikhawihna thlen ṭhin chu 72% ah tlahniamin, kum 2010 aiin 2023 ah chuan thihna an thlen ṭhin chu 86% in a hniam tawh bawk. Kum 2024 ah chuan security force-ten LWE hel nuaibo tuma hma an laknaah hlawhtlinna nasa tak an hmu tawh niin an tarlang. ""Kumin chhungin LWE mi leh sa 202 chu tukdawl tawh an ni a, thla kua chhngin 723 an inpe tawh bawk. A dang 812 te chu man an ni a, tihian kumin 2024 chhung hian LWE nghawng district chu 38 chauh ah a tlahniam tawh a ni" an ti.

"Sorkar laipui chuan helho nuaibona turin kawng hrang hrangin hma a la a, heng hel hluarna state-a hmun kilkhawr zawkah pawh inkalpawhna leh inbiakpawhna ṭha a awmna turin hna thawh a ni. Kawng hi km 14,400 siam ni tawhin, mobile tower pawh 6,000 dawn siam a ni tawh bawk, " tiin an thuchhuahah an tarlang.