India-in Malabar 2024 Naval exercise thleng dawn

Maritime Exercise Malabar 2024 chu October 8-18 chhung hian India chuan Visakhapatnam-a Harbour Phase-ah a thleng dawn a, Australia, Japan leh United States an tel ang.

He drill hi a tir berah chuan kum 1992 khan US leh Indian Navy ten an nei a, tihchangtlung chhoh zel a ni. Kumina exercise neih turah hian Indian Navy chuan uided missile destroyers, frigates, submarines, leh aircraft te a thawhchhuahpui dawn. Australia, US leh Japan pawhin warships, helicopters, leh maritime patrol aircraft tirin, ram pali aṭang hian special force an tirh an ni dawn a ni.

Malabar 2024 hian anti-submarine warfare, air defence, leh surface warfare operation hmanga ram palite thawhhonna ṭha siam chu a tum ber a ni ang. October 9 hian Distinguished Visitors' Day hman tum a ni a, Vice Admiral Rajesh Pendharkar chuan a kaihruai dawn a ni. Harbour Phase-ah hian Joint Press Conference neih a ni dawn bawk.