Bengal Junior Doctor ten chaw ngheiin nawrh chhunzawm

RG Kar Medical College and Hospital, Kolkata-a an thawhpui hmeichhia thihna thleng avanga nawrh huaihawt, Bengal junior doctorte chuan doctor thi ta dikna chanvo humhim sak an ngiatna leh, hna an thawhna hmuna venhimna changtlung zawk pek phutin tiam chin awm loa chaw ngheia nawrh an chhunzawm.

Chaw ngheia nawrh Inrinni zan aṭang khan central Kolkata-a Dharmatala-ah ṭanin, an nawrhna hmunah hian senior doctor pawh eng emaw zat an awm a ni. Junior doctor te nawrh na hi zawm ve dawn leh dawn loh an ngaihtuah mek a ni.

Lungawi lohna lantirte hian a hmain Dharmatala-a Dorina Crossing-ah sit-in demonstration an nei bawk. An nawrhna hmunah hian CCTV camera pawh an dah vek a ni. Inrinni zan aṭanga chaw ngheite hi doctor paruk niin, chaw ngheia nawrh huaihawt mek doctor-te hi an dam lo emaw, an taksain a tuar a nih chuan state sorkar chu mawhphurtuah an puh dawn tih junior doctor-te chuan an sawi.

Inrinni zan aṭang khan doctor-te nawrh huaihawtna hmunah hian an mahni thlawptu mi tam tak an pungkhawm a ni.