5G peihfelna atan Jio-in Qualcomm thawhpui
Asia khawmualpuia mi hausa ber, Mukesh Ambani-a Jio Platforms Ltd. chuan India rama 5G solution peihfelna tur leh high-speed network tihchakna kawngah Qualcomm Inc. an thawhpui.
Company pahnih hian Thawhlehni khan thuchhuah inṭawm siamin khawvela mobile market lian ber dawttu India ramah 5G network infrastructure siamna kawngah leh service tihchakna kawngah an thawhdun thu hi an tarlang.
India hian 5G network atan airwave la 'auction' lo mah se Ambani chuan Jio chu fifth-generation wireless service atan hian a lo buatsaih lawk nasa hle a, a inbuatsaihna chu 'technology developed in-house' tia sawiin an elpuite ang lo takin system thar hman hunah pawh harsa lutuk loin an inthlak thei dawn tih a sawi.
Kum li liam ta khan Jio hi India ramah hman ṭan a ni a, free call leh data tlawm taka an zawrh avangin an lian chak hle a, tunah chuan India rama carrier lian ber ni tawhin mi maktaduai 400 velin an hmang tawh a ni.
Press Trust of India chuan Pathianni khan Jio hian 5G smartphone tlawm tak siam an tum thu an tarlang bawk a, hei hi $40 aiin a tlawm dawn niin an tarlang bawk.