UGC-in kar khatah ni ruk class nei turin a ngen

University Grants Commission (UGC) chuan college leh university-a first year zirlaite tan academic calendar ennawn lehin, November thla aṭangin class  ṭan turin a ti.

Revised calendar siamtharah hian hun rei tak hripui leng vanga zirna in khar a nih tawh avangin college leh university-te chu hawn a nih hunah, kar khatah ni ruk chhung class la tur te, kum  2022 hma chu summer leh winter break nei lo turtein a ngen a ni. 

Hetih lai hian ministry of home affairs lam chuan November thlaa school leh college hawn tum chungchangah thutlukna a la siam lo a, a remtih loh chuan college lut thar turte hian online hmangin an zir a ngai dawn a ni.