CAA dodal state chu President's rule hnuaiah dah an ni ang : BJP MP

6th January, 2020

Madhya Pradesh-a Bharatiya Janata Party (BJP) MP Uday Pratap chuan Citizenship (Amendment) Act (CAA) dodal a, he dan hmang duh lo state-te chu President's Rule hnuaiah dah theih a ni, tiin a sawi.

BJP MP chuan CAA dodaltu state sorkar chu ṭhiahsak theih an ni tih sawiin, President's rule an puan hnan mai dawn tih a sawi. President pawhin CAA hmang duh lo state sorkar-te ṭhiatsak an nih theihna turin Constitution Article 356 hnuaiah a thuneihna a hman a ngai dawn a ni, a ti.

CAA hi state ṭhenkhat chuan an hman ve dawn loh thu an sawi a, heng zingah hian Punjab, Chhattisgarh, Kerala leh West Bengal pawh an tel. Kerala Assembly chuan CAA duh lohna resolution hi a lo pass tawh bawk.