Haryana-ah Independent MLA-ten BJP thlawp dawn

Haryana assembly inthlan neih zawh taka hnehna changtu, BJP chu independent candidate thlan tlin pathumte chuan an thlawp vek dawn tih an sawi.

BJP hian a term thumna atan Haryana-ah hian sorkarna a siam leh dawn a, independent MLA-te thlawpna tel lo pawhin party mala sorkarna siam thei turin MLA a ngah tawk a, assembly seat 90 awmah MLA hi 48 a nei a ni. Hetih lai hian independent MLA pathum - Savitri Jindal, Devender Kadyan leh Rajesh Joon te chuan Nilaini khan BJP an thlawp tur thu hi an sawi a ni. Joon hia Congress aṭanga chhuak niin, Kadyan hian BJP aṭanga ticket a hmuh loh vangin Idependent in inthlan hi a chuh a ni.

Haryana BJP hotu, Mohan Lal Badoli pawhin Nilaini khan Kadyan leh Joon pawh in BJP sorkar chu rinawmna thutiam an lak hunan zawm an tum thu hi alo sawi tawh bawk. Nilaini vek khan independent candidate te hian union Minister Dharmendra Pradhan BJP election in-charge for Haryana leh Tripura Chief Minister hlui Biplab Kumar Deb Co-incharge chu an hmu tih a sawi bawk.

Cheif minister-elect, Nayab Singh Saini chuan Nilaini khan New Delhi-ah prime minister Narendra Modi a hmu. Sorkar tharah hian CM telin cabinet minister hi 14 an awm thei dawn a, minister turte hi central lama party hotute nen an sawi ho mek nia sawi a ni.