Indian Industrialist ropui Ratan Tata a liam ta

Ratan Tata, Indian industrialist ropui chu Nilaini zan October 9, 2024 khan Mumbai-a Breach Candy Hospital ah kum 86 mi niin a thi. Maharashtra sorkar chuan Tata hi state chawimawina nen vuiliam a ni dawn tih a sawi.

Ratan Tata hi Indian civil mi chawimawina sang ber dawttu Padma Vibhushan chu 2008 khan hlan niin, 2000-ah chwimawina sang pathumna Padma Bushan a dawng leh bawk. India economy dinhmun ti danglam thei khawpa sumdawnna lian enkawltu niin India rama pa hausa ber pahnihna dinhmun luah tu a ni.

Tata hi 1937 ah piangin a nu leh pa inṭhen avangin a pi bulah a seilian a ni. Cornell University-ah architecture a zir a, hemi hnu hian Harvard-ah management course chu a zir zawm leh bawk. Kum 1991 khan steel-to-software conglomerate chairman nihna chelhin, a puin kum 100 chuang liamtaa sumdawnna a din chu a enkawl chhunzawm a ni. Kum 1996-ah telecommunication company Tata Teleservice leh 2004 khan IT company Tata Consultancy Service a din belh bawk.

A kum lam upat vangin tun hnai chhoah a hriselna te a tlahniam a , ICU-a enkawl ngai in a awm chho fo a ni.

Maharashtra chief minister Eknath Shinde chuan Ratan Tata an zahna leh uina lantirna atan state chawimawina famkim nen vui a ni dawn tih a puang. Maharashtra state-ah hian Tata sunna tan hnam puanzar te chu a ngul chanveah zar an ni.