India-a thil ei dan phungin sik leh sa nghawng chhe lo ber: WWF

World Wide Fund for Nature(WWF)-in Living Planet Report thar, Ningania a tih chhuahah, G20 ram zingah India ram thil eidan phung chu climate-friendly ber niin, sik leh sa a nghawng pawi lo ber niin a tarlang.

Report-in a tarlan danin, Indian mite thil ei dan phung chuan environment a nghawng pawi lo ber a, ram dangten India tih dan phung hi an entawn a an kal pui thei a nih chuan khawvel puma ei leh in mamawh zat chu a tlahniam thei dawn niin a tarlang bawk.

Argentina, Australia leh United State te chu khawvel huapa thil ei dan phung nei chhe bera ngaih an ni. Argentina thil ei dan phung hian khawvel nghawng na berin Australia leh USA te hian an dawt a, hetih mek lai hian Indonesia leh China pawhin an hnaih hle a ni.

India National Millet campaign chuan fak a hlawh hle a, hei hian sik leh sa mil thil thar chawilarin, buhtun hi a hriselin a thar chhuah hian sik leh sa inthlak danglam tur kawngah nasa takin a pui niin report chuan a tarlang. Ramin ei leh in a thar chhuah ṭhinah daihrei leh hman nawn pawilo chi lam chu uar sauh sauh turin a chah zui bawk.