IPS officer-in Commonwealth powerlifting gold a la

Puducherry-a IPS officer Anita Roy chuan Commonwealth international classic bench press intihsiakna, South Africa-a Sun City a October 4 a neihah khan gold medal a la thei.

Kum 46 mi, Roy hi IPS officer zingah powerlifting competition-a gold la thei hmasa ber a ni. He intihsiaknaah hian ram 43 aiawhte an tel.

Roy hi Puducherry-a Senior Superintendent of Police post a chelh mek a, a pasal Kumar Yadav chu Puducherry-ah vek hian Deputy Inspector General in a awm bawk.

Kum 2022 khan Delhi state level powerlifting championship-ah Roy hian hnehna a lo chang tawh bawk.National bench press championship, Bengaluru a neih ah kum 2023 khan pakhatna ni tawh bawkin, hei hunah hian World Bench Press championship, Texas-a neih tura thlan chhuahna tur nghal a ni. Mahse Roy hi a thil chawi danah dik lo a awm nia sawi vangin medal a la ta lo a ni.