ASEAN Summit 2024 : PM-in India-ASEAN thawh hona tihchak a tul ṭhu sawi

21st ASEAN-Indian Summit 2024, Laos khawpui Vientiane-a neihah, Ningani khan prime minister Narendra Modi chuan thu sawiin, India leh ASEAN ram thawh hona tihchak a ṭul thu a sawi.

Prime Minister Modi chuan khawvel hmun hrang hranga harsatna leh buaina thleng mek karah, India-ASEAN ramte chuan ramtin te tih dan leh inkaihhruaina te an zah sak a ṭul thu a sawi.

Summit neih karah hian PM chuan Japan Prime Minister thar Shigeru Ishiba chu kawmna hun remchang a nei bawk a, "Inbiakna hlawk thlak tak kan nei a, PM a nih hnu aṭanga reilo tea kan inbe thei hi ka hlim hle. Kan inbiaknaah hian infrastructure, defence leh thil danga ram pahnihte inkara thawh dunna chak leh ṭha, inpawhtawnna ṭha zawk siam chungchang pawh kan sawidun a ni," tiin X-ah a tarlang.