2020 aṭangin NCSC-ah complaint 47,000 chuang thehlut tawh

National Commission for Scheduled Caste (NCSC) chuan kum li liamta chhung khan complaint 47,000 chuang an dawng tawh a, heng zingah hian Dalits laka hleilenna vanga thlengte, ram leh sorkar hna vanga harsatna thleng te chu a tam ber an ni.

RTI hmanga zawhna a chhanna kaltlanga a tarlan danin, NCSC hian 2020-21 khan complaint 11,917 an dawng a, 2021-22 khan 13,964 complaint lutin, 2022-23 ah 12,402 leh 2024 chhungin 9,550 complaint an dawng tawh bawk.

NCSC chairperson Kishor Makwana chuan complaint an dawn zinga tam ber chu Schedule Caste te laka hleilenna nasa niin hemi dawtah hian ram inchuh leh sorkar hna chungchanga harsatna awm te a nih thu a sawi. "Complaint theh luhte rang taka chinfel a nih theihna turin thla thar aṭangin kei emaw ka thawhpui emaw te state office ah kalin, mipuiin an harsatna tawh te kan enfiah zel dawn a ni," a ti.

Data aṭanga a landanin national helpline kaltlanga chibing in nekna avanga Schedule castes leh Schedule tribes aṭanga call an dawn hi 6,02,177 a ni a, heng zinga harsatna an bawhzui 5,843 atanga 1,784 te chu chinfel a ni. Call an dawn zinga a zatve aia tam hi Uttar Pradesh aṭanga dawn a ni a, 3,10,623 atling. Heng call te hi Social Justice anf Empowerment Ministry lo chhinchhiah a ni.