S Jaishankar-in SCO meeting Pakistan-ah India aiawh dawn

External Affairs Minister(EAM) S Jaishankar chu Shanghai Cooperation Organization(SCO) meeting, Pakistan a neih turah India aiawhin a tel dawn.

EAM hian kum 10 chhunga Pakistani a tlawh vawikhatna tur niin, vawiin chawhnu hian Pakistan a thleng ang. Pakistan prime minister Shehbaz Shariff-a'n SCO hruaitute puala zanriah a buatsaih pawh a chhim nghal dawn a ni.

Jaishankar hian Pakistan a cham chhung hian ram pahnih te thawhdunna tur thil engmah an sawi dawn loh bakah, darkar 24 ai a rei a cham loh tur thu chu India chuan a puang chiang nghal a, "SCO member ṭha ka nihna tihlawhtling tur chauhin ka kal a ni" tiin a sawi.

India chuan Pakistan nena ramri buaina tam zawk chu Pakistan helpawl te chawh chhuah a nih ṭhin avang leh, hemi chungchanga Pakistan in hma lakna a neih ṭhin loh avangin Pakistan nena thawhdunna tur inbiakna neih chu a duh rih lo a ni.

Meeting ah hian India, Pakistan, Russia, China, Iran leh central Asia ram pali te an tel ang.