SCO meeting India leh China, Pakistan inkar chinfel dan sawi

External Affairs Minister(EAM) S Jaishankar chuan Shanghai Cooperation Organisation(SCO) meeting, Pakistan khawpui Islamabad-a neihah Pakistan leh China te nena thawh hona ṭha an neih theihna tura tih ṭul hrang hrang te a sawi. EAM hian kum 10 dawn hnua Pakistan a tlawhna hmasa ber a ni.

Pakistan prime minister Shehbaz Sharif chuan SCO hawnna hun hmangin, he huna ram hrang hrang aiawhte chu thawh hona ṭha nei turin a sawm a, harsatna an tawh ṭhinte hmachhawn dan chungchangah lungrual taka thawh ho a, mipuite tan pawha hlawkna awm theihna tur sawi ho turin a sawm.

Jaishankar pawhin thu sawiin, India in hmasawnna tur atana ruahmanna a siam hrang hrang te a sawi lang. "Yoga chawilar te, buhtun chin uarte chu environment hmasawnna atan a ṭha a; khuarel chhiatna laka himna tura infrastructure tih changtlun na chuan sik lehsa inthlak vanga harsatna lakah a hum thei a ni" tiin, "SCO chuan helpawl chetna te, inlakhran duhna te, kalfawr lutuk na te hi a tihbo tum ber a ni. Heng mite chetna hian China leh Pakistan nen kan inkar buaina pawh a tih hluar phah a ni," a ti.