Atal Bihari Vajpayee hming chawiin JNNURM hming thlak a ni dawn

Central-a BJP kaihhruai NDA sorkar chuan civil mite hnena chawimawina sang ber, Bharat Ratna chu an party hruaitu hlun leh Prime Minister hlui, Atal Bihari Vajpayee hnena a hlan hnuah, kum 10 zet kalpui tawh Jawaharlal Nehru National Urban Renewal Mission (JNNURM) chu Vajpayee hming chawia thlak danglam a tum.

Prime Minister Narendra Modi kaihhruaiin union cabinet chuan JNNURM hming thlak tura rawtna hi nimin khan a pawm a ni. Union cabinet chuan sorkar hmassain 100 smart city project leh old housing project a lo siam tawh pawh a pawm bawk.

JNNURM hming hi Atal Mis­sion for Rejuve­nation and Urban Trans­formation (AMRUT) tia thlak tum a ni a, a hmaa kalpui a nih dan ang bawkin 10 year program a ni ang a, hemi atan hian cheng vaibelchhe nuai 2 ruahman a ni. He program hnuaiah hian city leh town 500 chu cheiṭhat tum a ni.

JNNURM hi nikum khan tihthar tur a ni a, hemi atan hian UPA sorkar khan ruahmanna pawh a siam fel vek tawh a ni. Mahse NDA an rawn sorkar hnuah Urban Development Minister thar M Venkaiah Naidu chuan scheme thar siam zawk a rawt a ni.