Loneitute intihlumte hi mi dawihzep an ni: Haryana minister

Hunbi loa nasa taka ruahsur leh rial tla vangin state tam takah thlai a tichhia a, thlai chinna ram acre sang tel tuiin a chim bawk a, hei hian loneitute tam tak harsatna thlenin an sum dinhmun thlengin a nghawng a ni. An thlai chinna tura loan an puk rulhna tura an rua­hman, an thlai chinte a chhiat avang­in loneitu tam tak mangang an intihlum a, leiba rulh tur ṭhahnem tak neiin tam tak an awm bawk.

Sorkar laipui leh state sorkarin harsatna tawk mek loneitute ṭanpui dan kawng an zawn mek laiin, Haryana Agriculture Minister Om Prakash Dhankar chuan mi rilru tina thei tak thu nimin khan a sawi a, loneitu intihlumte chu 'mi dawihzep' tiin a ko.

Dhankar chuan Haryana sorkar chu mi dawihzep tan a ni lo tih sawiin, harsatna an tawh avanga intihlum loneitu leh agricultural labour intihlum chhungte chu sorkarin a pui dawn lo tih a sawi. Minister thusawi hian beih zui a hlawh hle rin a ni.