Bawlhhlawh paih dan mumal lo vangin damdawi-in pawisa chawitir
National Green Tribunal(NGT) southern Bench chuan Ningani khan Tamil Nadu Pollution Control Board (TNPCB) te chu hriattirna pein, bawlhhlawh paih dan mumal lo avangin private damdawiin pahnih te chu pawisa chawitir turin a ti. Local Body Tambaram Corporation chuan hriattirna ti chhuakin, damdawiin te chu Rs nuai nga ve ve chawi turin a hriattir.
Damdawi-in pahnihte hian an damdawiin hnawmhnawkte chu Pallavaram dil ah an paih ṭhin tih report awm chu bench hian ngaihtuahin, TNPCB hnenah hian board-in an hnawmhnawk paihte thenfaina atana sum a sen ral angte chu damdawi-in hnenah hian dil let turin a hriattir bawk.
NGT Bench hian chanchinbu-ah damdawi-in pahnihten an hnawmhnawk an paih dan chungchang an ziah aṭangin, heng damdawi-in pahnih - MIOT International leh GEM Hospital te chungchang hi a ngaihtuah a ni. Chanchinbu in a tarlan danin, an bawlhhlawh paih hi ton nga zet a ni. Septemmber 4 khan Pallavaram dil hungna bulah hmuh niin, Tambaran Corporation leh TNPCB official ten endikin an chhui zui nghal a ni.