Road Transport Bill thar duh loin nawrh huaihawt

Sorkar laipuiin road transport bill thar siam a tum dan chu duh loin, nimin khan rampumah transport sector worker-te'n nawrh an huaihawt.

Ni khat awh nawrh huaihawt hi public leh private sector aiawh, national level road transport organisation huaihawt a ni a, hetah hian All India Trade Union Congress (AITUC), Centre of Indian Trade Unions (CITU), BMS, INTUC, HMS, AICCTU, LPF leh state-level outfit hrang hrangte an tel.

Bangalore Metropolitan Tran­sport Corporation (BMTC) leh Karnataka State Road Transport Corporation (KSRTC) te chu nawrh huaihawt vang hian an chawl. Karnataka sorkar chuan buai­na chhuah venthawn thilah state chhung hmun hrang hrangah Karnataka State Reserve Police platoon 30 leh City Armed Reserve police platoon 30 a duty tir a ni. Karnataka Transportation department chuan nawrh huaihawt vang hian cheng vaibelchhe 8 vel a hloh rin a ni.

West Bengal-ah pawh nawrh huaihawt vang hian motor tlan chhuak a tlem hle a, mipuite nunphung a ti khaihlak nasa hle.