Africa ram 3 tlawha zin President Murmu a rawn kir

President Droupati Murmu chuan Africa khawmuala ram pathum Algeria, Mauritania leh Malawi a tlawhna hun a hman zawh ah Inrinni khan India panin a lo kir. Africa ram a tlawhkual hi India leh Africa ram inkar tih nghehna pawimawh tak niin, India President-in Africa ram pathum te a tlawh vawikhatna a ni bawk.

"President Droupadi Murmu chuan Africa ram pathum Algeria, Mauritania leh Malwai tlawhna hun hlawhtling tak a neih zawh hnuah tluang takin New Delhi a lo thleng leh ta a, hei hi India leh Africa inkungkaihna ṭha siamna tur atan mellung pawimawh tak a ni" tiin Ministry of External Affairs (MEA) chuan X ah a tarlang.

Mauritania-ah President Mohamed Ould Ghazouani leh President Murmu te chuan inkawmna hun hmangin ram pahnih te inlaichinna leh inthlunzawmna nghet ṭha tak siam a, thawhdunna hrang hrang ṭha tak an neih theihna turin Memorandum of Understanding eng emaw zatah an ziak a, heng zingah hian diplomat training leh visa exemption pawh a tel bawk.

Algeria a tlawh chhungin an ram President Abdelmadjid Tabboune nen in kawmna hun nei bawkin, ram pahnihte thawhdunna hrang hrang tihchakna tur leh sector hrang hranga thawhdunna turte an sawi bawk,Algeria hian President Murmu hi Honorary Doctorate an lo hlan bawk a ni.

President Murmu hian Malawi aṭanga a haw dawn hian Lake Malawi chu tlawh nghal in. He dil hi sangha chi hrang hrang 1,000 chuang te chenna hmun a nih bakah Malawi mipui hmun thuma ṭhena hmun khat te eibel leh in tlawhpawh tawnna te, tui thianghlim te, leh electric an hmuhna ber a ni tel bawk.