PM Modi-a'n Varanasi ah Mit damdawi in hawng

Prime minister Narendra Modi chuan nimin, Pathianni khan Parliamentary Constituency-a a bial Varanasi-ah Mit lam damdawi-in hawng. He damdawi-in hi Kanchi Math in a enkawl niin, RJ Sankara Eye Hospital hian mit lama harsatna awm thei hrang hrangte enkawlna an pe thei dawn a ni.

Damdawi-in hawn thar hi Uttar Pradesh khaw chhaklam district 20 a mipui eng emaw zat te chhawr ṭangkai theih tur niin Bihar, Madhya Pradesh leh Chhattisgarh ramri depa cheng eng emaw zatin an chhawr ṭangkai theih tur a nih thu Kanchi Math chuan a sawi. He damdawi-in hawn thar hian ramchhunga Kanchi Math enkawl damdawi in hi 14 a awm dawn ta a ni. Damdawi-in hawn thar hian kumkhat chhungin mit surgery vawi 30,000 a thlawna neih theih an tum tih an tarlang bawk.

PM hi Governor Anandiben Patel leh Uttar Pradesh CM Yogi Adityanath ten an ṭawiawm a, damdawi-in a hawn rual hian Shakaracharya Kanchi Math a tlawh bawk. Varanasi-a a cham chhung hian hmasawnna kaihhnawih kawng hrang hrang tlangzarhna neiin heng zingah hian airport sakna tur Rs vbc 6,100 hu project pawh a hawng nghal a ni.