Flight-ah bomb phura intihṭhaihna awm vangin BCAS in airline CEO meeting neipui

Airlines eng emaw zat laka bomb phurh awm anga in sawithaihna vawi tam tak a thlen hnuah aviation security regulator, Bureau of Civil Aviation Security(BCAS) chuan airline CEO eng emaw zat meeting a neihpui. Hetiang inbumna thleng ṭhinte a tlem theih dan turte an sawi ho.

Ni ruk liam ta khan a zawnin flight hrang hrangah bomb phurh awm anga in bumna hi a thleng a ni. Intihṭhaihna tam zawk hi X kaltlanga siam niin, Udaipur - Mumbai thlawk tur Vistara Flight lavatory ah hriattirna lehkha chu char ni bawkin, Thawhṭanni aṭang khan ṭum 50 intihṭhaihna a thleng a ni. Inrinni bikah khan flight 20-ah intihṭhaihna hi a thleng a ni.

Meeting-ah hian Air India CEO Campbell Wilson, Air India Express CEO Aloke Singh leh Vistara CEO Vinod Kannan te an tel a, BCAS Director General Zulfiquar Hasan-a'n a ho a ni. IndiGo leh Akasa Air te chuan an aiawh an kal tir bawk.

MHA official chuan, "Thlawhtheihnaah bomb phurh ni anga insawiṭhaihna vang hian thlawhtheihna kawng thlak emaw, tikhawthlai emaw a ni lo," tiin insawiṭhaihna hi a taka ni lo tih finfiah zel a nih thu a sawi. Hei vang hian thlawhtheihna te pawh tluang taka an thlawh chhunzawm nghal thu a sawi a ni.Inrinnia bomb phur anga an sawi zingah hian hian Vistar Flight paruk leh Indigo flight pasarih an tel.