J&K state-a hlankai lehna tur resolution L-G in pawmpui

Jammu and Kashmir Chief Minister thar Omar Abdullah kaihhruai cabinet-in Union territory aṭanga State puitlinga hlankai an phutna resolution an pass chu Inrinni, October 19, 2024 khan Lieutenant Governor(L-G) Manoj Sinha chuan a pawmpui.

J&K sorkar thara cabinet meeting hmasa ber hi October 17 khan CM kaihhruainain neih a ni a, he ṭhutkhawm ah hian J&K a hma alo nih dan ṭhin pangngai, state puitlinga hlankai leh phutna resolution an siam lungrual takin an pass a ni . State puitlinga hlankai leh hi J&K din tharna hna kawng khat niin, danpui hnuaia mipuite dikna leh nihna neih humhalhna tiin official thuchhuah chuan a tarlang.

CM Abdullah hi Delhi-a PM leh Union Minister te chu hemi chungchang thuah inbiakna neih pui tura kal a tum thu sorkar thupuangtu chuan a sawi bawk.