India sipaiten LAC an kan lo : defence ministry
China-in India sipaiten ramri, Line of Actual Control (LAC) an kan tia an puhna chu union ministry of defence chuan a dik loh thu a tarlang a, Pangong Lake-ah silaia inkahna a awm loh thu nimin khan a tarlang bawk.
India sipaite chuan LAC leh a chheh velah China sipaiten India sipaite ti thinur thei zawnga hmalakna neuh neuh an neih reng thu an tarlang a, mahse heng thil avang hian silai an hmeh puah loh thu an tarlang bawk. September 7 khan China sipai te chu LAC-a India sipai awmna hmun pakhat lam hnaiah a an kal thu India lam chuan an tarlang a, China sipai te hian India sipaite ti ralṭi zawngin van lamah silai an hmehpuah thu an tarlang bawk a ni.
China western theater command, Colonel Zhang Shiuli chuan September 7-ah India sipaite chu LAC pela an kal thu a sawi a, mahse hei hi India chuan thudik lo a nih thu sawiin, India sipaite patrolling neih chu China hian LAC an kan tiin a puh mai niin a sawi.