Petrol bomb-in J&K minister chenna in bei

Jammu and Kashmir education minister Naeem Akhtar-a in, Srinagar-a Parraypora bial ami chu Thawh-
ṭanni zan khan petrol bomb hmanga beih a ni.

Police official chuan minister chenna ina petrol bomb vawm luttute hi hriat a ni lo tih sawiin, bomb hian main gate a tichhia a, mahse hliam tuar erawh an awm lo niin a sawi.

An chenna in beih a nih lai hian minister leh a nupui hi inah an awm lo. Thawhṭanni zan vek khan Bemina biala SDA colony-a Road and Buildings department office-ah pawh petrol bomb hi vawm luh a ni bawk.

Kar kalta Inrinni khan Kashmir hmarlamah, Bandipore district aṭanga in lam pana minister Naeeem Akhtar haw tur motor-a a chuang chu nawrh huaihawtten lungin an lo tawng tawh bawk a, minister chhanchhuak tur hian police-te tirh an ni.

Kashmir Valley tual≠chhung buaina thleng vang hian nimin khan a ni 25-na atan lungawi lohna lantir chhunzawm a ni a, hmun tam takah thuneituten mipui punkhawm khapna thupek an la kengkawh bawk.