Congress-in joint candidate siam rel

Congress party chuan Rajya Sabha deputy chairman thlan turah eptu party-te tan joint candidate siam a rel a, hemi atan hian party dangte pawh biak kual thuai a tum. 

Nimina Sonia Gandhi hoa Cong­ress Parliamentary Strategy group meeting neihah hei hi an rel a ni. Meeting-ah hian Rahul Gandhi, PM hlui Manmohan Singh leh opposition leader Ghulam Nabi Azad bakah Lok Sabha-a Congress leader Adhir Ranjan Chowdhury te pawh an tel. 

Meeting-ah hian session-a question hour nei tura sorkar nawr pawh an rel bawk. Rajya Sabha leh Lok Sabha secretariat-te chuan monsoon session neih turah hian question hour neih a ni dawn lo tih an lo sawi tawh a ni.