Mamata-in Junior Doctor lungawi lote inbiakna neih pui dawn

West Bengal chief minister Mamata Banerjee chuan RG Kar Hospital-a an thawhpui pawngsual leh thah a nih vanga lungawi lohna lan tir, junior doctor-te chu nimin Thawhṭanni tlai khan inbiakna neih pui turin a sawm leh. Doctor-ten lungawi lohna lantira tiam chim awm loa chaw ngheia nawrh an huaihawt chu hi nimin kha a ni 17 na a ni tawh a ni.

Meeting hi State Scretariat, Nabanna ah tlai dar nga khan neih a ni. Junior doctor te hian October 5 aṭang khan chawn ngheia nawrh hi i bul ṭanin an thawhpui thi ta chunga rorelna dikna lantir tur te, state healthcare infrastructure te tih changtlun leh an hnathawhna hmuna venhimna ṭha siamsak te an phut.

Doctor chawnghei zingah hian paruk chu an hriselna dinhmun a tlakhniam avangin damdawi-inah dahluh an ni tawh a, a dang pariatte chuan nawrh hi an la chhunzawm a ni. CM Banerjee hian lungawi lohna lantir doctor-te hi Inrinni khan phone-a biain, an nawrh ti tawp tur in leh an thil ngiat zinga eng emaw zat chu tih hlawhtlin a nih tawh thu a hrilh a, an thil ngiat ang zawng zawng ti hlawhtling famkim tur hian thla thum aṭanga thla li al a ngaih tur thu a hrilh nghal bawk.