Inbumna thlentute thlawhtheihnaa chuan phal loha dah duh

Sorkar laipui chuan tun hnaia thlawhtheihnaa bomb phur anga inbumna leh in sawi ṭhaihna nasa tak a thlen hnuah, hetiang thil a thlen nawn fo loh na tur atana dan siam ṭhat a tum thu civil aviation minister Ram Mohan Naidu Kinjarapu chuan a sawi.

Minister chuan hetiang inbumna thehdarh tute chu thlawhtheihna chuan phal loh, no-fly list-ah dah se an duh tih a sawi a ni.

Karliam ta chhunga thlawhtheihna 100 dawn chu bomb phur anga tih ṭhaih a ni a, he thil thleng vang hian sorkar pawhin stakeholder hrang hrangte chu meeting vawi eng emaw zat a lo neihpui tawh a ni. Naidu chuan Aircraft (Security) Rules siamṭhat chungchangte an ngaihtuah tih a sawi a, hemi hmang hian mi tihṭhaih leh inbumna thlentute chu hriatchian a nih hunah no-fly list ah dah an ni thei ang, a ti. Hei bakah Suppression of Unlawful Acts chu siamṭhat a ni dawn a, hemi atan hian ministry dangte pawh rawn a ni dawn tih a sawi bawk.

Naidu chuan Bureau of Civil Aviation Security(BCAS) chu Ministry of Home Affairs nen thawk dunin, inbumna awm leh thei te a thlitlai reng thu a sawi bawk a ni.