PM Modi-a'n BRICS Summit hmang turin Russia pan

Prime minister Narendra Modi chuan nimin Thawhlehni October 22,2024 khan BRICS (Brazil, Russia, India, China and South Africa) Summit vawi 16- na chu hmang turin Kazan, Russia a pan.

PM Modi chuan, "India chuan BRICS te in hnehnai taka thawkho leh hmasawnna tur ngaihtuah tura din a ni hi a ngaihlu hle. He summit-ah hian khawvel huap hmasawnna tur atana ngaihtuah ṭulte sawihoin,sik leh sa inthlak te, ram hrang thawhhona ṭha ngaihtuah te, economic hmasawnna te, in dawrtawnna ngelnghet te, hnamzia rang leh mipuite in pawh tawnna chungchangte ngaihtuah a ni ang" tiin Russia a pan hma hian a sawi.

Modi chuan, "Kazan-ah hian India leh Russia te thawhdunna tur atan leh ngaihpawimawh tur te ti chak turin hun ka hmang ang" tiin a sawi lang bawk.

Summit kar lakah Modi chuan, BRICS member ram hruaitute chu Kazan ah hian inbiakna a neih pui dawn. Prime Minister hian Russian president Vladimir Putin chu Ukraine nen an inkar buaina chungchangah hian inbiakna a neihpui dawn bawk a ni.