Firfiakte dahna hran siam turin hriattir

Sorkar laipui chuan state hrang hrang hnenah firfiak mante khungna tur, tan-in hran siam turin a hriattir.

Union Home Ministry chuan state sorkarte hi ziakin hriattirna hi a pe a, tan-in hrang hrangah mi firfiak tangte avangin tan-in hotute'n harsatna an tawh ṭhin thu an sawi avangin firfiakte tanna tur bik siam a ngaih thu hi a sawi a ni. Hei hi ram himna atana pawha pawimawh anih thu a sawi bawk.

Firfiakte dahna tur tan-in hran siam thei rih lo state tan pawh, Central leh District jail chhungah thubuai lian bik nei leh, firfiakte dahna tur pindan hran siam turin state sorkarte hi hriattir an ni bawk.

Home Minister chuan firfiak tangte hi mi tang dangte nena inbe pawp thei lo tura veng turin state tinte chu a hriattir a, tang dang hruai sual thei an nih vangin mi dang hnaiha dah loh a him thu leh, an tanna hmun sawn a nih dawn pawha fimkhur a ṭul thu a sawi. An thubuai ngaihtuah a nih dawn bawkin, court-ah anmahni hruai kher loa video-conferencing hmanga an thubuai chu ngaihtuah sak zawk mai a ṭhat zawk thu a sawi bawk.