FM-in Nepal chhawm- dawlna pek tur a vailiam

Union Finance Minister Arun Jaitley chuan nimin khan Nepal rama lirnghing tuarte chhawmdawlna thawn tur a vailiam.

Nepal ambassador, Deep Kumar Upadhyay chuan Nepal rama lirnghing tuar, chenna in nei lo mi nuai tel tana an khawsak lailawkna siamsak thuai a ngaih thu a sawi.

Lirnghing tuarte chhawm­dawlna atan hian India chuan puan in, dam­dawi, tui thianghlim, ei tur leh thildang mamawh turte ton 60 a thawn lut tawh a, thawn chhunzawm zel a la tum bawk.

Cabinet Secretary Ajit Seth kaihhruai National Crisis Management Committee chuan Inrinni khan meeting neiin, Nepal rama India sorkar agency-te'n chhanchhuah leh chhawmdawl hna an thawh dante an thlir a ni. Nepal-ah hian National Disaster Response Force (NDRF) team eng emaw zat an la awm a ni.

Ministry of Health and Family Welfare tirh, medical team chuan theatre pahnih siamin, mi 20 chuang an zai tawh a ni. Power line, commu­nication network leh thildanga mithiamte pawh eng emaw zat tirhluh an ni bawk.

Finance Minister Jaitley chuan Nepal rama chhawmdawl hna thawh­naa non-government organisations (NGO) te pawh tel se a duh thu a sawi.