IGIA in Airport Service Quality (ASQ) award a dawng

Delhi-a Indira Gandhi International Airport (IGIA) chu kum 2014 chhunga khualzin mi maktaduai 20-40 dawng thei category hnuaiah Airport Service Quality (ASQ) award hlan a ni.

ACI Asia-Pacific/World Annual General Assembly-in Jordan-a inkhawm a buatsaihah Airports Council Internatoinal (ACI) chuan award hi IGIA hnenah hian a hlan.

Airport dinhmun endiktu, ACI ASQ benchmarking programme-ah hian member 300 an awm a, Delhi airport hian tehna hrang hranga point 5-a tehnaah point 4.90 a hmu. Kum 2011, 2012 leh 2013 khan IGIA hi pahnihna niin, kum 2014 khan pakhatna a lo ni tawh bawk.

Kum 2014-2015 chhungin khualzin maktaduai 40 velin IGIA hi an hmang a, hemi chhunga flight kal dan chu chawhrualin ni khatah flight 885 awm ang a ni a, hengte hi domestic destination 58 leh international destinatoin 62 an ni. Bungrua metric ton 696,000 a buaipui hman bawk.

IGIA hi public-private partnership mode hnuaiah GMR Group, Airports Authority of India, Fraport leh Malaysia Airports Holdings Berhad thawkhoin an siam a ni a, DIAL chuan kum 30 chhung a enkawl, design leh siamṭhat hnate a thawk a, hei hi kum 30 dang pawhsei tum a ni.