Rafale deal: France Minister a rawn zin dawn

Prime Minister Narendra Modi chuan France aṭangin peihfel sa vekin Rafale jet fighter 36 lei a nih tur thu a lo sawi tawh a, hemi chungchanga inbiakna chhunzawm turin France Defence Minister Jean-Yves Le Drian chu a rawn zin dawn.

India-a France ambassador Francois Richier chuan, "Vawiin hian Drain hian Qatar-ah Rafale chungchanga inremna a ziahpui dawn a, tunkar chhung hian India ram a rawn thlen hman beisei a ni. A rawn kal tur hian contract atana inremna ziak tur ni loin, India nena inbiakna neih tur chungchang buaipui tur a ni," a ti.

Richier chuan India, Qatar leh Egypt-te'n France aṭanga Rafale thlawhtheihna lei an tum chungchangah, heng ram pathumte'n security lama chona lian tak an hmachhawn laia jet fighter pawimawhzia tichiangtu a nih thu a sawi.

PM Modi hian thla hmasaa France a tlawh ṭum khan dollar tluklehdingawn 6 chuang man, Rafale fighter jet 36 leina tura inremna a ziak a ni.

Richier chuan France leh India in inlaichinna ṭha tak an neih thu te, kum 1953-a Indian Air Force hman tura France ramin 'Hurricanes' aircraft a lo supply tawh thute a sawilang.