Bengaluru-a in sak lai chimah mi 5 an thi

Bengaluru-a insak lai chu nimin, Nilaini khan chimin he chhiatna thlengah hian mi panga in nunna an chan.

In chim ta hi sorkar phalna hmu loa sak luih niin, hna thawktu contractor leh a neitute chungthu hi ngaihtuah a nih tur thu Karnataka deputy chief minister DK Shivakumar chuan a sawi.

Deputy CM chuan, in sak laiah hian hnathawktu, nitina inthlawh ṭhin mi 26 an awm tih a sawi. Chhiatna thlengah hian mi pasarihin hliam an tuar bawk a, a dang 13-te chu chhanchhuah an ni.

He chhiat tawhna thlengah hian National Disaster Response Force(NDRF) leh State Disaster Response Force(SDRF) te chuan chhanchhuah hna thawk in, hnuchhui thiam ui te pawh hman an ni bawk.