SII-in Covid-19 damdawi pawmpui turin hma la

Serum Institute of India (SII) chuan India siam Covid-19 damdawi Covishield chu pawmpui a nih theihna atan hma an la.

SII CEO Adar Poonawalla chuan hemi chungchang hi tichiang tawhin mi tam tak nunna chhan theitu tur a ni, a ti. Sorkar laipui leh prime minister Narendra Modi-te hnenah pawh an thlawpna avangin lawmthu a sawi. 

Khawvela damdawi siam chhuak tam ber SII hian emer­gency-ah an damdawi hi hman a nih theihna turin Drugs Controller General of India (DCGI) hnenah an dil a, the Mint-in a tarlan dan chuan tunah hian Oxford COVID-19 vaccine, Covishield clinical trial thawh thumna chu  Pune-a hmunpui nei SII-ah enchhin mek a ni. 

Indian Council of Medical Research (ICMR) chu he damdawi co-sponsor tu a ni. Thla hmasa lama an tarlan dan chuan clinical trial thawh hnihna leh thawh thumna result azirin India ramah he damdawi hi hman theihin an pe chhuak dawn a ni. 

ICMR-in an tarlan dan chuan SII hian dose maktaduai 40 vel lai chu an siam chhuak tawh a, DCGI hnen aṭangin stockpiling license pawh an nei tawh bawk.