Human Space Flight Mission kum khatin tikhawtlai dawn

Indian Space Research Organi­sation (ISRO) official-te chuan India-in human space flight mission a kalpui hmasak ber tur Gaganyaan chu Covid-19 vangin kum khatin an tikhawtlai dawn tih an sawi.

Gaganyaan mandate ang chuan van boruaka mihring tirh a nih hma hian mihring awm loin mission pahnih kalpui phawt tur a ni a, hei hi kumin December leh nakkum July-ah kalpui tum niin, nakkum December-ah chuan  van boruakah mihring thawn chhuah hman an tum a ni.

ISRO Chairman, Kailasavadivoo Sivan chuan PTI hnenah heng mission-te hi tihkhawtlai a ni dawn tih hi sawiin nakkum kum tawp lama kalpui turin ruahmanna an siam ta tih a sawi.