Railways privatisation kalpui dawn lo: Prabhu

Railways Minister Suresh Prabhu chuan panel lam aṭangin rawtna awm mah se, railways privatisation chu kalpui an tum lo tih a sawi.

Minister chuan privatisation tih hian thil hriatthiam tawk lo a awm ṭhin tih sawiin, a neitu nihna chu entity leh management hnenah hlan chhawn a ngaih theihna lai a awm avangin heng chu railways-ah chuan thil tih ve theih loh a ni, a ti. "Railways chu India sorkar ta, India sorkarin a enkawl a ni chhunzawm zel ang," a ti.

Prabhu chuan, "A neitu nihna thlak dang­lam hi kan duh lo a, railways thil neih hlu tak takte hi midangin an enkawl kan duh lo. Railways hi changtlung zawk leh hlu zawka siam turin private capital emaw, technology emaw te lak luh kan duh a ni," a ti.

Sorkar laipuiin a ruat, economist Bibek Debroy-a kaihruai commitee-in rawtna a siamah, Ministry of Railways chu a policy siamtu atan chauh hmang a, khualzin phur leh bungraw phur relte enkawl chu private player-te kuta dah a rawt a ni.

Railways chungchanga CAG report hnuhnung berah chuan Indian Railways hian kum 2011-12 chhung khan a service aṭangin cheng vaibelchhe 23,643 a hloh niin a tarlang.