Nvidia-in Hindi ṭawng hmang thei AI model tlangzarh

Software company, Nvidia chuan lightweight artificial intelligence(AI) model, Hindi ṭawng hmang chu nimin khan a tlangzarh. AI technology lamah a sumdawnna huang zauh zel a tum.

Global chip company hian India-ah investment tiin an sumdawnna zauha semiconductor industry lian tak, Taiwan elpha thei tur din chu an tum ber a ni.

Nvidia hi California-a hmunpui nei company niin, an chief executive Jensen Huang chuan Reliance Industry chairman Mukesh Ambani chu Mumbai-a conference neih turah inbiakna neihpui a tum bawk.

Nvidia hian India-a an dawr hmasa ber hi kum 20 liam ta khan hawngin, engineering leh design center an nei tawh a, khawpui lian pahnih Bengaluru leh Hyderabad ah te tech hub an nei bawk.

An language model lian vaklo, ṭawngri tel thei Nemoton-4-Mini-Hindi-4B, 4 billion parameter nei tel hi firm hrang hrang ten an AI model an tihhmasawn theihna tur atana an duan a nih thu Nvidia chuan an tarlang. "He model hi real-world Hindi data, synthetic Hindi data leh hetiang ang zat chiah English data belhkhawmte hmang thei tura zirtir a ni" tiin an sawi.