PAC meeting-ah SEBI hotu inlan lo

Securities and Exchange Board of India (SEBI) chairperson Madhabi Puri Buch chu nimin, October 24, 2024-ah Public Accounts Committee (PAC) meeting-ah a inlan lo a, hei vang hian meeting hun hi sawn hlat a nih phah.

Buch hian mimal harsatna a neih vangin PAC meeting-ah hian a inlan thei lo tih a sawi a, chairman leh Congress hruaitu KC Venugopal chuanmeeting hi a ti tawp zui a ni.

Venugopal chuan, "Committee meeting hmasa ber tur a ni a, hei vang hian regulatory body-te chu an hnathawh dante thlir ho tura koh kan duh a, SEBI pawh thlir ho kan duh tel a ni. A hotu hnenah pawh hriattirna pein, SEBI chairperson hian tirah committee hmaa inlan loh a dil a, kan hnawl sak a ni. A hnuah a team te nen an inlan tur thu an sawi a, mahse zing dar 9:30 velah mimal hasatna a neih avangin Delhi a rawn kal theih loh tur thu a rawn sawi leh ta a ni," a ti.

Kum 2023-a Hindenburg Research in report a tih chhuahah, stock regulator thiltih danah thil fel tawk lo awm nia a tarlan avangin SEBI official-te pawh hi thu zawhfiah an lo ni tawh hlawm a ni. Hinderburgh report chuan Adani Group chu sumdawnna a kalpui danah thil dik tawk lo a awm tiin a sawi a, Adani Group chet dan chhui chiang tura tih, SEBI hotu Madhabi Puri Buch leh a pasal chuan Gautam Adani-a unaupa, Vinod Adani-a'n ram pawn lama sum a chheprelhah a rukin share an lo nei reng niin a tarlang bawk. Hei vang hian eptu party chuan SEBI hotu hi bang turin an lo phut tawh a, Adani megascam chhui chiang tur hian Joint Parliamentary Committee (JPC) din pawh an phut tawh bawk a ni.