Damdawi siam chhunzawm khap sak

Rajasathan-a damdawi siamtu company, Bharghava Phytolab chu homeopathic damdawi 'insulin' tablet an siam chhunzawm khap sak an ni. Hei hi Prime Minister Office(PMO) in RTI hmanga zawhna a chhannaah a tarlang.

Ophthalmologist leh RTI activist K.V. Babu chuan September 23 khan Bharghava Phytolab damdawi siam chungchangah hian PMO complaint a thehlut a, October 23 khan company hian he damdawi siam tur hian a licence tinung leh tura dilna an thehluh loh thu hriattir a ni. Hei vang hian an license hi tih tawp sak an ni tih PMO chuan a tarlang a ni.

Drug Controller General of India (DCGI) leh Ayush ministry ten Rajasthan thuneitute hnenah Drug and Cosmetic Act 1940 tlawh chhana company laka hma la tura an tih hnu pawhin hmalakna hi a awm zui lo a ni. DCGI hian vawi thum ngawt hriattirna a pek hnuah pawh an tih hlawhtlin loh avangin, Dr Babu hian PMO-ah hian a zualko zui ta a ni. Babu chuan, "He damdawi hian damlo te hnenah insulin injection dik tak zawk hmang loa, he 'homoeopathic tablet' a inthlak duhna a thlen theih vang leh a bik takin naupang lamah harsatna lian tham zawk a thlen theih vang zawk a he thil hi ti ka ni" tiin a sawi.